काठमाडौं : सर्वोच्च अदालतमा नवनियुक्त तीन न्यायाधीशले आज पद तथा गोपनीयताको शपथ ग्रहण गरेका छन्।
प्रधानन्यायाधीश प्रकाशमानसिंह राउतले मेघराज पोखरेल, श्रीकान्त पौडेल र शान्तिसिंह थापालाई सर्वोच्च अदालतमा आयोजित एक समारोहमा शपथ खुवाएका हुन्। न्याय परिषद्को सिफारिसमा राष्ट्रपति रामचन्द्र पौडेलले सोमबार उनीहरूलाई सर्वोच्च अदालतको न्यायाधीश पदमा नियुक्त गरेका थिए।
शपथ ग्रहण गरेलगत्तै नवनियुक्त न्यायाधीशहरूलाई इजलाससमेत तोकिएको सर्वोच्च अदालतले जनाएको छ।
