हेटौंडा, बागमती प्रदेशको मुख्यमन्त्रीमा नेपाली कांग्रेस बागमती प्रदेश संसदीय दलका नेता इन्द्रबहादुर बानियाँ नियुक्त भएका छन् ।
बागमती प्रदेशका प्रमुख दीपकप्रसाद देवकोटाले नेपालको संविधानको धारा १६८ को उपधारा २ बमोजिम मंगलबार दिउँसो उनलाई बागमती प्रदेशको मुख्यमन्त्रीमा नियुक्त गरेका हुन् ।
दुई ठुला दल कांग्रेस र नेकपा (एमाले)बीचको सत्ता गठबन्धन अनुसार कांग्रेस र एमालेका गरी ६४ जना प्रदेशसभा सदस्यको समर्थनमा बानियाँलाई मुख्यमन्त्री बनाउन सोमबार दिउँसो प्रदेश प्रमुख देवकोटासमक्ष दाबी पेश गरिएको थियो।
११० जना सदस्य रहेको बागमती प्रदेशसभामा सबैभन्दा ठूलो दल कांग्रेसको ३७ र एमालेको २७ जना प्रदेश सभा सदस्य रहेका छन्।
मुख्यमन्त्रीमा बानियाँको शपथग्रहण कार्यक्रम आजै दिउँसो ४स्२० बजेका लागि तय गरिएको प्रदेश प्रमुखको कार्यालयले जनाएको छ।
यसअघि कांग्रेसबाटै मुख्यमन्त्री बन्नुभएका बहादुरसिंह लामा तामाङको राजीनामापछि प्रदेश प्रमुख देवकोटाले नयाँ सरकार गठनका लागि सोमबार प्रदेशसभामा प्रतिनिधित्व गर्ने दललाई आह्वान गरेका थिए ।
