बिर्तामोड, चेम्बर अफ कमर्शका झापा अध्यक्ष ओमकृष्ण विमली उत्कृष्ट तथा सफल ब्यवसायीको रुपमा सम्मानित भएका छन् ।
नेपाल उद्यमशिल महिला संघको ८ ओै बार्षिक साधारणसभाको अवसर पारेर बिमलीलाई सम्मान गरिएको हो ।
साधारणसभामा संघका अध्यक्ष पार्वता खरेल विमलीले गतआर्थिक वर्षमा संस्थाले गरेका गतिविधि समेटिएको बार्षिक प्रतिवेदन र आर्थिक प्रतिवेदन कोषाध्यक्ष उमा प्रसाईंले गरेकी थिइन ।
२०७४ सालमा १० जनाबाट शुरु भएको महिला उद्यमीहरु आवद्ध उद्यमशील महिला संघमा हाल ८० जना भन्दा बढी सदस्य रहेको बताइएको छ ।
सम्मानित विमलीलाई प्रमुख अतिथि बिर्तामोड नगरपालिका प्रमुख प्रशासकीय अधिकृत सागर मिश्रले दोसल्ला ओढाएर सम्मान पत्र प्रदान गरेका थिए ।
कार्यक्रममा प्रमुख अतिथि मिश्र, बिशिष्ठ अतिथि तथा सम्मानित व्यक्तित्व विमली, विशेष अतिथिहरू अलैंची व्यवसायी महासंघका केन्द्रीय अध्यक्ष निर्मल भट्टराई, उद्योग बाणिज्य संघ बिर्तामोडका अध्यक्ष राजु न्यौपाने, बिर्तामोड साना शहरी खानेपानी उपभोक्ता संस्थाका अध्यक्ष मेघराज बाँस्तोला, लीला अनमोल, निर्मला भण्डारी चौहान लगायतले शुभकामना मन्तव्य राखेका थिए ।
सो अवसरमा संस्थाको सदस्य बनेका नयाँ सदस्यहरुलाई समेत प्रमाण पत्र प्रदान गरिएको थियो ।
