विराटनगर, पूर्वराष्ट्रपति विद्यादेवी भण्डारीले आफू नेकपा (एमाले)को संगठित सदस्य र कार्यकर्ता नै रहेको दाबी गरेकी छिन् ।
सोमबार विराटनगर विमानस्थलमा सञ्चारकर्मीहरूसँग कुरा गर्दै भण्डारीले ४५ वर्ष एमालेसँगको आबद्धताको स्मरण गर्दै पार्टीको हितका लागि सधैं काम गर्ने प्रतिबद्धता जनाइन् ।
म नेकपा एमालेकै कार्यकर्ता हुँ, एमाले नै भएर राष्ट्रपतिमा निर्वाचित भएको हो, उनले भनिन् ।
पार्टीभित्र उनको भूमिका र केन्द्रीय कमिटीको निर्णयबारे सोधिएको प्रश्नमा भण्डारीले आफूलाई औपचारिक जानकारी नभएको बताइन् ।
पार्टीको औपचारिक कुरा के छ, मलाई त्यो थाहा छैन, उनले भनिन्, सबै सदस्यहरूलाई सबै कुरा थाहा हुँदैन नि ! कमिटीमा बस्नेहरूलाई थाहा होला ।
उनले आफू अहिले केन्द्रीय समितिमा नरहेको कारणले पार्टीको औपचारिक निर्णयबारे जानकारी नभएको बताइन् ।
सञ्चारकर्मीले उनलाई ुगुट चलाएकोु आरोप लगाएकोबारे प्रश्न गर्दा उनले आफूलाई गुट चलाउन नआउने जवाफ दिइन् ।
मदन(आश्रित स्मृति प्रतिष्ठानबारे उठेका प्रश्नहरूको जवाफमा भने उनले पार्टीका नेताहरूलाई सोध्न आग्रह गरिन् ।
