काठमाण्डू, संघीय शिक्षा ऐनमार्फत निजी विद्यालय बन्द गर्ने प्रयास भएको भन्दै प्याब्सन, नेशनल प्याब्सन, हिसान र अपेनको अगुवाइमा निजी विद्यालय सञ्चालकहरू माइतीघर मण्डलामा भेला भई विरोध प्रदर्शन गरेका छन्।
उनीहरूले माइतीघरदेखि नयाँ बानेश्वरसम्म र्याली निकाल्दै ऐनको विरोधमा आवाज उठाएका हुन्।
प्रदर्शनकारीहरूले संघीय शिक्षा ऐनले निजी क्षेत्रको योगदानलाई बेवास्ता गरेको र गुणस्तरीय शिक्षामा निजी विद्यालयको भूमिकालाई कमजोर बनाउने प्रयास भएको भन्दै ऐन पुनरावलोकनको माग गरेका छन्।
