हेटौंडा, त्रिभुवन विश्वविद्यालय अन्तर्गतको हेटौंडास्थित वन विज्ञान अध्ययन संस्थानका विद्यार्थीहरुले सोमबार राति कलेजमा रहेका सबै राजनीतिक दलका विद्यार्थी संगठनहरु निस्क्रिय हुने, कुनै पनि राजनीतिक दलका विद्यार्थी संगठनहरु अब चलाउन नदिने भन्दै संगठनहरुको साइनबोर्ड, स्वागत ब्यानर तुल निकालेका छन् ।
उनीहरुले जेन्जी समूहमा भएको दमनपछि असन्तुष्टि जनाउँदै आइन्दा विद्यार्थी संगठनहरु सक्रिय हुन नदिने र आफूहरुले पनि सक्रियता नजनाउने बताएका हुन् ।
सँगै रहेको कृषि तथा वन विश्वविद्यालयको कलेजमा भने विद्यार्थीहरु शान्त छन् ।
उता, कृषि तथा वन विश्वविद्यालयअन्तर्गत बिएस्सी तेस्रो सेमेस्टरको आज हुने परीक्षाबारे अहिलेसम्म सूचना नआउँदा विद्यार्थी अन्यौलमा परेका छन् ।
सोमबार जेन्जी समूहले गरेको आन्दोलनले देशभर विद्यालय कलेज सञ्चालन नहुने भनिरहँदा हेटौंडामा हुने परीक्षाबारे विश्वविद्यालय मौन रहँदा यस्तो भएको हो ।
