वीरगञ्ज, तीन दिनदेखि दक्षिणतर्फको सबैभन्दा ठूलो नाका वीरगन्ज भन्सारमा सयौं मालवाहक कन्टेनरहरू थन्किएका छन् ।
नेपाल भित्रिनका लागेका सयौं मालवाहक कन्टेनरहरू जेनजीको अन्दोलनगलत्तै भन्सारमा रोकिएका हुन् ।
दैनिक ८ ८ सयको हाराहारीमा मालवाहक कन्टेनर तथा ट्याकङकरहरू भित्रिने भन्सारमा पछिल्लो तीन दिनदेखि कुनै पनि मालवाहक गाडी भित्रिन र बाहिरिन सकेका छैनन् ।
यद्यपि, तीन दिनपछि मंगलवार मात्रै भन्सार कार्यालयले ७० वटा खाली गाडी भारतर्फ पठाएको छ ।
र, ४० वटा ग्यास र ४४ वटा पेट्रोलियम पदार्थ बोकेका ट्यांकरहरू भित्र्याएको छ ।
दुई दिनदेखि नाकामा मालवाहक गाडीहरू रोकिएर बसेको वीरगन्ज भन्सार कार्यालयका प्रमुख दीपक लामिछानेले बताए ।
मंगलबार मात्रै पेट्रोलियम पदार्थ र ग्यासका ट्यांकरहरू भित्र्याएको र अन्य भन्सारमै रोकिएको उनको भनाइ छ ।
यसबाहेक अत्यावश्यक वस्तुहरूको अपपूर्तिका लागि सामान पठाइरहेको उनको दाबी छ ।
‘दुई दिनदेखि कुनै पनि मालवाहक कन्टेनरहरूको जाँच पास भएको थिएन । रोकिएर बसेको अवस्था थियो ।
आज मात्रै हामीले ४४ पेट्रोलियम र ४० ग्यासका ट्यांकरहरू पठाएका छौँ’, उनले भने, ‘सुरक्षाको समन्वय नभएसम्म जान दिने अथवा भित्र्याउने कुरा हुँदैन ।
सुरक्षा निकायले भन्नेबित्तिकै यताबाट पठाइहाल्छौँ ।’ वीरगन्ज भन्सारको यार्डमा हजारौँ मालवाहक ट्रकहरू रोकिएर बसेको अवस्था छ ।
यस भन्सार कार्यालयबाट दैनिक ८ सयको हाराहारीमा मालवाहक ट्रक तथा ट्याङ्कर जाँचपास हुने गर्दछन् ।
मंगलबारसम्म वीरगञ्ज भन्सारको यार्डमा मात्रै १ हजार ३५ मालवाहक गाडीहरू रहेका छन् ।
त्यसबाहेक भन्सारमै नपुगेर नाकाबाहिर पनि हजारौं गाडीहरू रोकिएका छन् ।
