काठमाण्डू, नेकपा एकीकृत समाजवादीका अध्यक्ष माधव कुमार नेपालले एमालेबाट विद्रोह गर्नुको कुनै औचित्य थिएन भन्नु केपी ओलीकासामुख लमपसार पर्नु रहेको बताएका छन्।
बुधबारदेखि मिराकल भेन्युमा सुरु भएको पार्टीको तेस्रो केन्द्रीय कमिटीको उद्घाटन कार्यक्रमलाई सम्बोधन गर्दै उनले यस्तो बताएका हुन्।
कसैको नाम नलिइन पार्टीकै वरीष्ठ नेता झलनाथ खानाललक्षित टिप्पणी गर्दै नेपालले पार्टीले एमालेबाट विद्रोह गर्नुको औचित्य पुष्टी भएको विषय पारित गरेको र अझै पनि कुनै अर्थ थिएन भन्नु भनेको आत्मसमर्पण रहेको बताए।
‘विद्रोहको कुनै औचित्य थिएन। नयाँ पार्टी खोल्नुको कुनै अर्थ थिएन भन्नु भनेको केपी ओलीकासामु लमपसार पर्ने हो। आत्मसमर्पण गर्नेबाहेक केही हुन सक्दैन’, उनले भने।
पछिल्ला घटनाक्रमले नेकपा एमालेबाट नेकपा एकीकृत साजवादी पार्टी बनाउनुको औचित्य पुष्टि हुँदै गएको पनि बताएका थिए।
नेकपा एसको केन्द्रीय कमिटीको बैठक कात्तिक १४ गतेसम्म चल्नेछ।
