काठमाण्डू, जेजनी आन्दोलनपछि भदौ २७ गते विघटन भएको प्रतिनिधिसभा पुनःस्थापनाको माग लिएर अदालत जाने निर्णय गरेको एमालेले चुनावी प्रयोजनका लागि दल दर्ता गरेको छ।
फागुन २१ गतेका लागि तोकिएको प्रतिनिधिसभा सदस्य चुनावका लागि एमालेले बुधबार निर्वाचन आयोगमा माग लिन भन्दै निवेदन दिएको हो।
एमालेको मंगलबार मात्रै बसेको विघटिन प्रतिनिधिसभाको संसदीय दलको बैठकले संसद पुनःस्थापना गैरसंवैधानिक भएकाले सर्वोच्च अदालतमा त्यसविरुद्ध पार्टी औपचारिक रुपमा रिट निवेदन दर्ता गर्ने निर्णय गरेको थियो।
रिट निवेदन दर्ताका लागि एमालेले पूर्व प्रमुख सचेतक महेश बर्तौला र सचेतक सुनिता बराललाई जिम्मेवारी दिएको छ।
उनीहरुले कानून व्यवसायीहरुसँग परामर्श गरेर रिट निवेदन तयार गर्ने र आउँदो शुक्रबारसम्म दर्ता गर्ने तयारी गरिएको एमाले स्रोतले बतायो।
एमालेले गत शनिबार पालिका स्तरमा प्रर्दशन गरेको थियो। जसलाई धेरैले चुनावी तयारी भन्दै टिप्पणी गरेका छन्।
लगत्तै पार्टीका तर्फबाट चुनावी प्रयोजनका लागि निवेदन दिएको एमाले स्रोतले जानकारी दियो।
फागुन २१ गतेका लागि तोकिएको चुनावका लागि दल दर्ता गर्न निर्वाचन आयोगले मंसिर १ देखि १० गतेसम्मको समय दिएको छ।
यसअघि नेपाली कम्युनिष्ट पार्टी, रास्वपासहितका दलहरुले चुनावमा माग लिन निवेदन दिइसकेका छन्।
