साँखु बस दुर्घटनामा थप एक वृद्धको मृत्युसँगै मृतकको संख्या ५ पुग्यो

काठमाण्डू, काठमाडौँको जहरसिंहपौवा-साँखु सडकखण्डमा बुधबार साँझ भएको बस दुर्घटनामा ज्यान गुमाउनेको संख्या पाँच पुगेको छ।

उपचारका क्रममा थप एक जनाको मृत्यु भएपछि यो दुःखद तथ्याङ्क सार्वजनिक भएको हो।

जिल्ला प्रहरी परिसर काठमाडौँका अनुसार, बा ४ ख ८७८८ नम्बरको बस दुर्घटनामा परी घाइते भएका ६० वर्षीय अर्जुन लामिछानेको बुधबार राति साढे १२ बजे उपचारका क्रममा मृत्यु भएको छ।

गोकर्णेश्वर नगरपालिका(५ जोरपाटी निवासी लामिछानेको मृत्युसँगै यस दुर्घटनामा ज्यान गुमाउनेको संख्या ५ पुगेको छ।

दुर्घटनामा परी घाइते भएका अन्य ३३ जनाको काठमाडौँका विभिन्न अस्पतालहरूमा उपचार भइरहेको छ। घाइतेमध्ये केहीको अवस्था गम्भीर रहेको प्रहरीले जनाएको छ।