काठमाण्डू, नेपाली कांग्रेसको विशेष महाधिवेशन पक्षधरले तयारी तीव्र पारेको छ ।
भृकुटीमण्डपमा पुस २७ गते आइतबार विशेष महाधिवेशनको उद्घाटन गर्ने तयारीमा गरिएको छ ।
विशेष महाधिवेशनका लागि देशभरबाट आउने महाधिवेशन प्रतिनिधिदेखि नेता कार्यकर्ताहरुको व्यवस्थापनको काम समेत तीव्र भइरहेको छ ।
जनपरिचालन तथा जुलुस व्यवस्थापन समितिका संयोजक जगदीश्वरनरसिंह केसीले शुक्रबार पत्रकार सम्मेलन गर्दै त्यसबारे जानकारी दिएका हुन् ।
काठमाडौंका विभिन्न ६ वटा रुटबाट देशभरबाट आएका नेता कार्यकर्ताहरु जुलुससहित भृकुटीमण्डप पुग्ने बताइएको छ ।
रुट नं १ अन्तर्गत सुन्धारामा जम्मा भएर चितवन, अर्घखाँची, नवलपुर, सुदूरपश्चिमका सबै जिल्ला तथा काठमाडौंको ८, ९, १० र अन्तर्गत पर्ने सबै वडा समितिबाट उपस्थितहरुको जुलुस अघि बढ्नेछ ।
ती ठाउँबाट जम्मा भएको जुलुस सुन्धारा–वीर अस्पताल–रत्नपार्क–पुरानो बसपार्क हुँदै भृकुटीमण्डप पुग्नेछ ।
त्यस्तै रुट नं २ अन्तर्गत विभिन्न जिल्लाबाट आएका महाधिवेशन प्रतिनिधि र नेता कार्यकर्ताहरु रत्नपार्कमा जम्मा हुनेछन् ।
जसमा नुवाकोट, रसुवा, धादिङ जिल्लाका महाधिवेशन प्रतिनिधिहरु सहभागि हुनेछन् ।
