काठमाण्डू, नेपाली कांग्रेसको विशेष महाधिवेशनमा मतदाताको नामावली प्रकाशित गरिएको छ।
निर्वाचन समितिले मतदाता नामावली प्रकाशित गरेको हो। प्रकाशित नामावलीअनुसार मतदाताको संख्या ४ हजार ६३८ कायम गरिएको छ।
कांग्रेसको चौधौँ महाधिवेशनमा ४ हजार ७४३ मतदाता थिए। पार्टी छाडेका र मृत्यु भएकाहरूको संख्या घटाएर मतदाता संख्या निर्धारण गरिएको हो।
विशेष महाधिवेशनमा ६३ प्रतिशत महाधिवेशन प्रतिनिधि सहभागी भएको बताइएको छ।
