काठमाण्डू, नेकपाका संयोजक पुष्पकमल दाहाल र सहसंयोजक माधव नेपालले सिन्धुली २ खाड भएको बागी उम्मेदवारी फिर्ता गराउन लिखित निर्देशन दिएका छन्।
दाहाल र नेपालले शुक्रबार प्रस्ताव बसेका पार्टीका नेता हरिबोल गजुरेललाई महेश्वर दाहालले दिएको उम्मेदवारी फिर्ता गर्न भनेका हुन्।
सिन्धुली २ मा नेकपाले राजन दाहाललाई पार्टीको तर्फबाट टिकट दिएपनि त्यसप्रति असन्तुष्टि जनाउँदै गजुरेलकै अगुवाईमा दाहालले स्वतन्त्र उम्मेदवारी दिएका छन्।
दाहाल नेपालले भनेका छन्, ‘केन्द्रीय सदस्य कमरेड महेश्वर दाहालले पार्टी निर्णय विरुद्ध अनाधिकृत रुपमा मनोनयपत्र दर्ता गरेको कार्यमा तपाई प्रस्तावक रही सहयोग भएको पुष्टि भएकोले तत्काल उक्त अनाधिकृत मनोनयपत्र फिर्ता गराई पाटीको आधिकारीक उमेद्वारलाई समर्थन तथा सहयोग गरी पाटीको निर्णय कार्यान्वयन गर्न तपाईलाई पार्टी केन्द्रीय कार्यालयको तर्फबाट विषेश निर्देशन जारी गरिएको छ ।’
निर्वाचन आयोगले फागुन २१ गतेको चुनावका लागि माघ ६ गते दर्ता भएको उम्मेदवारी फिर्ता लिन चाहनेका लागि शुक्रबार समय दिएको छ।
