काठमाडौँ । मेडिकल व्यवसायी दुर्गा प्रसाईं लाई पुनः नियन्त्रणमा लिइएपछि दायर गरिएको बन्दी प्रत्यक्षीकरण रिटमाथि आज सर्वोच्च अदालत मा सुनुवाइ हुँदैछ। रिटको पेसी सर्वोच्चका न्यायाधीश कुमार रेग्मी को एकल इजलासमा परेको हो। प्रसाईंलाई भक्तपुरस्थित निवासबाट सुरक्षाकर्मीले पक्राउ गरेपछि उनका कानुनी प्रतिनिधि अधिवक्ता सुरेश बोहराले सर्वोच्चमा रिट दायर गरेका थिए। रिटमार्फत पक्राउ प्रक्रिया कानुनसम्मत नभएको जिकिर गर्दै उनलाई अविलम्ब रिहा गर्न माग गरिएको छ। जिल्ला प्रशासन कार्यालय भक्तपुरले भने प्रसाईंमाथि अनुसन्धान आवश्यक रहेको उल्लेख गर्दै पाँच दिनसम्म हिरासतमा राख्न प्रहरीलाई अनुमति दिएको थियो। प्रशासन स्रोतका अनुसार उनी निर्वाचन सम्बन्धी गतिविधि प्रभावित पार्न सक्ने आशंकाका आधारमा नियन्त्रणमा लिइएका हुन्। प्रसाईंको पक्राउ–रिहाइ श्रृंखला पछिल्ला केही सातादेखि दोहोरिँदै आएको छ। यसअघि विद्युतीय अपराध मुद्दामा पक्राउ परेका उनी माघ २५ गते हाजिर जमानीमा छुटेका थिए। त्यसलगत्तै फागुन ४ गते फेरि पक्राउ परेका उनलाई निर्वाचन बिथोल्ने गतिविधिमा संलग्न रहेको आरोप लगाइएको थियो। सो विषयमा सर्वोच्चका न्याय
