यतिबेला देशकाे विभिन्न भागमा माैसम बदली भइरहेकाे छ भने पहाडी तथा हिमाली भेगका केही स्थानमा मेघगर्जन तथा चट्याङसहित वर्षा तथा हिमपात भइरहेको छ । त्यसैगरि गण्डकी, लुम्बिनी, कर्णाली र सुदूरपश्चिम, बागमती र कोशी प्रदेशका हिमाली भागमा सामान्य बदली जल तथा मौसम पूर्वानुमान महाशाखाले जनाएकाे छ ।
पश्चिमी न्यून चापीय प्रणाली र स्थानीय वायुको प्रभावका कारण देशका विभिन्न भागको मौसममा आंशिकदेखि पूर्ण बदली भइरहेको पनि महाशाखाले जनाएकाे छ । आज दिउँसो गण्डकी, लुम्बिनी, कर्णाली र सुदूरपश्चिम प्रदेशमा पूर्ण बदली हुनुका साथै अन्य भागमा आंशिक बदली हुनेछ भने हिमाली भेगमा हिमपात र पहाडी र तराईका केही स्थानमा मेघगर्जन, चट्याङ, हुरी र असिनासहित मध्यम वर्षा हुनेछ ।
आज राति देशभरकाे माैसम बदली हुने र कोशी, मधेश, लुम्बिनी, कर्णाली र सुदूरपश्चिम प्रदेशका पहाडी तथा हिमाली भागका धेरै स्थानमा वर्षा र हिमपात हुनेछ । त्यसैगरि तराईका केही स्थानमा मेघगर्जन तथा चट्याङसहित मध्यम वर्षा हुने बताइएकाे छ । महाशाखाका अनुसार मधेश र कोशी तथा बागमती प्रदेशका तराईका केही स्थानमा मेघगर्जन, चट्याङ, हुरी र असिनासहित मध्यम वर्षाकाे सम्भावना रहेकाे छ ।
