केहि स्थानमा वर्षा र हिमपात हुने

अहिले देशमा पश्चिमी तथा स्थानीय वायुको आंशिक प्रभाव रहेकाले अधिकांश भू-भागकाे माैसम आंशिक बदली भएको छ । तराइ भागकाे माैसम सफा रहेता पनि पहाडी क्षेत्रमा आंशिक बदली हुनुका साथै हिमाली भागकाे माैसममा पनि बदली भएकाे हाे ।

आज दिउँसो कोशी, बागमती, गण्डकी, कर्णाली र सुदूरपश्चिम प्रदेशका हिमाली तथा पहाडी भागका एकदुई स्थानमा मेघगर्जन तथा चट्याङसहित हल्का वर्षा र हिमपातको सम्भावना रहेकाे जल तथा मौसम पूर्वानुमान महाशाखाले जनाएकाे छ ।

त्यस्तै आज रााति हिमाली भागका साथै कोशी, बागमती र गण्डकी प्रदेशका पहाडी क्षेत्रमा साधारणतया बदली हुने छ भने कोशी प्रदेशका तराईसहित अन्य प्रदेशका पहाडी भागमा आंशिक बदली हुने पनि महाशाखाले जनाएकाे छ । अहिले मुलुककाे तापक्रम बढ्दो क्रममा रहेकाले तराई भेगको केही स्थानमा गर्मी बढ्न थालेकाे छ ।