जनकपुर रिफाइनरीमा आगलागी हुँदा करोडाैंको क्षति भएको छ । मिथिला नगरपालिका–७, ढल्केबरस्थित जनकपुर रिफाइनरीमा आगलागी हुँदा करोडाैंको क्षति भएको हाे ।
गएराति भएको आगलागीबाट १५ करोड बराबरको क्षति भएको बताइएकाे छ । रिफाइनरीका प्रबन्धक सञ्जय गुप्ताका अनुसार रिफाइनरीमा जडान गरिएका स्टिम र थर्मोकुल मेसिन जलेका छन् भने जनकपुर, महेन्द्रनगर र ढल्केबरबाट परिचालन भएका पाँचवटा वारुणयन्त्र तथा नेपाल प्रहरी, सशस्त्र प्रहरी बल र नेपाली सेनाको संयुक्त प्रयासमा दुई घण्टापछि नियन्त्रणमा लिइएको बताइएकाे छ ।
इलाका प्रहरी कार्यालय ढल्केबरका प्रहरी निरीक्षक लक्ष्मण केसीकन अनुसार क्षतिको पूर्ण विवरण सङ्कलन गर्न अझै केही दिन लाग्ने बताइएकाे छ भने आगलागीको कारण अझै खुल्न सकेको छैन ।
