पछिल्लाे २४ घण्टामा साढे २ हजार बढि सवारी चालक कारबाहीमा परेका छन् । बितेका २४ घण्टामा २ हजार ६ सय ९२ जना सवारी चालक सवारी नियम उल्लंधको कारबाहीमा परेका हुन् ।
उक्त कारबाहीबाट राज्यकोषमा ७ लाख ६० हजार रुपैयाँ राजस्व दाखिला भएको बताइएकाे छ । काठमाडौं उपत्यका ट्राफिक प्रहरी कार्यालयका अनुसार मादक पदार्थ सेवन गरेको ९१, यान्त्रिक अवस्था ठीक नभए पनि सडकमा निकालिएका ६३ सवारी साधन, ट्राफिक सङ्केत उल्लंधनकर्ता २ सय २४ र तीव्र गतिमा सवारी साधन हुइँक्याएका १ सय ३२ जनालाई कारबाही गरिएको थियाे ।
त्यस्तै लेन अनुशासन पालना नगर्ने २ सय ३७, सार्वजनिक सवारी साधनका ढोका बन्द नगरी सञ्चालन गर्ने ४७, निषेधित क्षेत्रमा हर्न बजाउने ७८ निर्धारित स्थानामा यात्री चढाउने र ओराल्ने नियम उल्लंधनकर्ता ४० र अन्य सवारी नियम पालना नगरेका १ हजार ७ सय ८० जनालाई कारबाही गरिएको कार्यालयले जनाएकाे छ ।
