राष्ट्रिय परीक्षा बोर्डले आजदेखि कक्षा १२ को परीक्षा सुरु गर्दैछ । बिहान ८ बजेदेखि ११ बजेसम्म सबै परीक्षा केन्द्रमा सञ्चालन हुने यसवर्षकाे कक्षा १२ काे परिक्षामा ४ लाख १८ हजार ८ जना परीक्षार्थी सहभागी हुँदैछन् ।
नियमिततर्फ ३ लाख ३२ हजार १ सय ७८ र आंशिकतर्फ ८५ हजार ८ सय ३० जना विद्यार्थी सहभागी हुने यस वर्षकाे परिक्षामा जापानको एभरेस्ट स्कुलबाट ३६ जना विद्यार्थी परीक्षामा सहभागि हुने बाेर्डले जनाएकाे छ ।
गत वर्षभन्दा यसवर्ष परीक्षार्थीको संख्या घटेकाे छ भने यस वर्ष १ हजार ४ सय २१ वटा परीक्षा केन्द्र तोकिएको छ । परीक्षार्थीलाई परीक्षा केन्द्र परिवर्तन गरेर सहभागी हुन रोक लगाइनुका साथै मोबाइल फोन, स्मार्ट घडीलगायत अन्य इलेक्ट्रोनिक्स डिभाइस परीक्षा हलमा लैजान निषेध गरिएको छ ।
