आज आइसिसी क्रिकेट विश्वकप लिग–२ मा नेपालले ओमानसँग प्रतिस्पर्धा गर्दैछ । अहिले विहान साढे ९ बजे त्रिवि क्रिकेट मैदानमा हुने खेलमा नेपालले ओमानसँग प्रतिस्पर्धा गर्न लागेकाे हाे ।
नेपालसहित आठ टिम सहभागी प्रतियोगितामा नेपाल पुछारबाट दोस्रो स्थानमा रहेकाे छ भने यस प्रतियोगिताको शीर्ष चार टिमले एकदिवसीय विश्वकपको ग्लोबल छनोट खेल्ने छ । त्यसैगरि पुछारका चार टिमले प्लेअफ क्वालिफायर खेल्नुपर्ने छ ।
शीर्ष चारमा पर्ने सम्भावना कायम राख्न नेपाल घरेलु मैदानमा चारै खेल जित्ने प्रयासमा रहेको छ । नेपालले पहिलो खेलमा संयुक्त अरब इमिरेट्स (युएई) लाई हराइसकेको छ । आज पनि ओमानविरुद्धको खेलमा नेपाल जितकाे प्रयासमा रहेको छ ।
अहिलेसम्म नेपालले २१ खेलमा १४ अंक जाेडेकाे छ भने ओमानले २५ खेलमा २९ अंक जोडेर तेस्रो स्थानमा रहेकाे छ । हालसम्म नेपाल र ओमानबिच आठ एकदिवसीय अन्तर्राष्ट्रिय खेल भएको मा नेपालले तीन र ओमानले चार खेल जितेको छ भने एक खेल रद्द भएको थियो ।
