यातायात व्यवस्था विभागले सार्वजनिक यातायातको भाडा बढाएको छ । विभागले यात्रुवाहक तथा मालवाहक सवारी साधनको भाडा समायोजन गरेकाे बताएकाे हाे ।
यातायात व्यवस्था विभागले एक सूचना जारी गर्दै यात्रुवाहक तथा मालवाहक सवारी साधनको भाडा समायोजन गरेको बताएकाे हो । यही बैशाख १२ गते भौतिक पूर्वाधार तथा यातायात मन्त्रालयको सैद्धान्तिक सहमति लिएर यात्रुवाहक तथा मालवाहक सवारी साधनमा ५ प्रतिशतले भाडा वृद्धि गरिएको विभागको सूचनामा उल्लेख गरिएकाे छ ।
पछिल्लाे समय डिजेलको मूल्यवृद्धि भएका कारण भाडादर समायोजन गरिएको बताइएको छ भने बढेको भाडा विद्युतीय सवारीमा भने लागू नहुने विभागले जनाएकाे छ । यसअघि गत चैत २५ गते सार्वजनिक यातायातको भाडा बढाइएको थियो ।
