नयाँ शैक्षिक शत्र सुरु भएसँगै निजी विद्यालय सञ्चालकहरूले सुकुमवासीका बालबाकालिकालाई नि:शुल्क पढाउने घोषणा गरेका छन् । सरकारले सुकुमवासी बस्तिमा डाेजर चलाउन थालेसँगै त्यसबाट प्रभावित भएका बालबाकालिकालाई निजी विद्यालय सञ्चालकहरूले नि:शुल्क पढाउने घोषणा गरेका हुन् ।
प्रभावित बालबालिकालाई प्याब्सन, एनप्याब्सन, हिसान र एपेनले संयुक्त रूपमा विज्ञप्ति निकालेर नि:शुल्क पढाउने घोषणा गरेका हुन् । जारी विज्ञप्ति अनुसार प्रभावित क्षेत्रका बालबालिकाहरूलाई तत क्षेत्रका निजी विद्यालयहरूमा नि:शुल्क ढङ्गले पढ्ने अवसर उपलब्ध गराउने, आवश्यकता अनुसार आवास तथा यातायातको व्यवस्थापन गर्ने, लगायतका सहयोगात्मक उपायहरू व्यवस्थित र प्रभावकारी रूपमा कार्यान्वयन गर्न सम्पूर्ण सरोकारवाला संगठनहरू तयार रहेको बताइएकाे छ ।
त्यस्तै संस्थागत सामाजिक उत्तरदायित्व अन्तर्गत, स्थानीय तह तथा सम्बन्धित निकायहरूसँग समन्वय गरी प्रभावित तथा वास्तविक सुकुमवासी परिवारका बालबालिकाको शिक्षा निरन्तरताका लागि आवश्यक सहयोग र सहजीकरण गर्न तयार रहेको समेत विज्ञप्तिमा उल्लेख गरिएकाे छ ।
