विभिन्न एप तथा प्रणालीको प्रयोग गरेर बैंक तथा वित्तीय संस्थाको खातामा रहेको रकम चोरी हुन सक्ने प्रति नेपाल प्रहरीको केन्द्रीय अनुसन्धान ब्युरो (सीआईबी)ले सचेत गराएकाे छ । विद्युतीय कारोबारसम्बन्धी विभिन्न एप तथा प्रणालीको प्रयोग गरेर खातामा रहेको रकम चोरी भइरहेकाले सावधानी अपनाउन सीआईबीले आग्रह गरेकाे हाे ।
त्यस्ता गतिविधि गर्ने समुहले विभिन्न व्यक्तिको मोबाइलमा कनेक्ट आइपिएससँग मिल्दो जुल्दो नाम राखेर विभिन्न मोबाइल नम्बर तथा विभिन्न एलर्ट पठाउने गरेको पाइएको ब्युरोले एक सूचनामार्फत जानकारी गराउँदै सावधानी अपनाउन आग्रह गरेकाे छ ।
प्रयोगकर्तालाई ‘फिसिङ लिंक’ पठाइ व्यक्तिगत विवरण र बैंक खातामा अनधिकृत पहुँच पुर्याइ ठूलो मात्रामा बैंक खाताको रकम चोरी गर्ने प्रवृत्ति बढ्दै गएकाले ब्युरोले यस्ता अनधिकृत लिंक नखोल्न तथा सचेत रहन आग्रह गरेकाे छ ।
