आईसीसी विश्वकप लिग–२ त्रिकोणत्मक सिरिजको पहिलो खेलमा नेपाल र स्कटल्याण्ड भिड्दै छन् । स्कटल्याण्डले टस जितेर पहिले ब्याटिङ गर्ने निर्णय गरेसँगै नेपालले फिल्डिङ गरिरहेकाे छ ।
स्कटल्याण्डका कप्तान रिचि बेरिङटनले ब्याटिङ गर्ने निर्णय गरेकाे हाे । नेपालले पाहुना टोलीलाई घरेलु मैदान र समर्थकको साथ पाउने भएकाले नेपालका लागि लिग–२ को तालिकामा सुधार गर्न महत्त्वपूर्ण अवसरका रुपमा हेरिएकाे छ ।
रोहित पौडेलको कप्तानीमा नेपालबाट विनोद भण्डारी, आसिफ शेख, अर्जुन कुमाल, दीपेन्द्रसिंह ऐरी, आरिफ शेख, गुलशन झा, करण केसी, नन्दन यादव, सन्दीप लामिछाने र ललित राजवंशीलाई खेलिरहेको छन् । इशान पाण्डेल एकदिवसीय अन्तर्राष्ट्रियमा आफ्नो ‘डेब्यु’ का लागि अर्को खेल पर्खनु पर्ने भएको छ भने इशानसँगै सोमपाल कामी, भीम सार्की र कुशल भुर्तेल प्लेयिङ ११ बाहिर रहेका छन् ।
यता स्कटल्यान्डले आफ्नो प्रमुख तीब्र बलर साफयान सरिफलाई खेलाएको छैन । स्कटल्यान्डको टोलीमा रहेका जर्ज मुन्सी, ब्रान्डन म्याकमुलेन, मार्क वाट, माइकल लिस्कस“ग नेपाल प्रिमियर लिग (एनपीएल) मा विभिन्न फ्रेन्चाइजबाट खेलेको अनुभव छ । लिग २ मा स्कटल्यान्ड २८ खेलमा ३४ अंकसहित दोस्रो स्थानमा छ भने नेपाल २४ खेलमा १८ अंक जोडेर सातौं स्थानमा रहेकाे छ ।
