आज भारतकाे गोवास्थित पण्डित जवाहारलाल नेहरु रंगशालामा भएकाे समूह चरणको दोस्रो तथा अन्तिम खेलमा नेपालले श्रीलंकालाई २-० ले पराजित गर्दै सेमिफाइनलमा प्रवेश गरेको छ ।
साफ महिला च्यम्पियनसिपको सेमिफाइनलमा श्रीलंकालाई २-० गोलले हराउँदे नेपालले लगातार दोस्रो जित निकालेकाे हो । नेपालको जितमा रश्मीकुमारी घिसिङले पहिलो हाफको इन्जुरी समय र कप्तान रेनुका नगरकोटेले ६०औँ मिनेटमा गोल गरेका थिए ।
आजकाे जितसँगै दुई खेलबाट ६ अङ्क बनाएको नेपाल समूह ‘ए’ को शीर्षस्थानमा रहेकाे छ । यसअघि समूहको पहिलो खेलमा नेपालले भुटानलाई १-० गोलले हराएको थियो ।
यसअघि पनि पटक पटक साफ महिला च्यम्पियनसिपकाे फाइनलमा पुगेको नेपालले हालसम्म उपाधि जित्न सकेको छैन । यस पटक नेपाली टोली उपाधि जित्ने लक्ष्यका साथ गोवा गएको थियाे ।
