यार्सागुम्बा खाेज्न गएका एक जनाको मृत्यु

डोल्पामा यार्सागुम्बा सङ्कलनका लागि गएका एक जनाकाे लेक लागेर मृत्यु भएकाे छ । यार्सागुम्बा सङ्कलनका लागि डोल्पाको पाटनमा पुगेका जाजरकोट नलगाड नगरपालिका–११, निवासी ४३ वर्षीय लोकबहादुर सिंहको मृत्यु भएको हाे ।

डोल्पो बुद्ध गाउँपालिका-३, धो-टास्कीको तीनजङ्खोला पाटनमा यार्सागुम्बा संकलनका लागि पुगेका सिंह बिरामी भएपछि उपचारका लागि सदरमुकाम ल्याउँदै गर्दा काइके गाउँपालिका–७ को लैनीमा मृत्यु भएको प्रहरीले जनाएको छ ।

सिंह बिरामी भएर जेठ १२ गते धोबाट दुनैतर्फ आउँदै गर्दा बाटोमै मृत्यु भएको जानकारी प्राप्त भएको जिल्ला प्रहरी कार्यालय डोल्पाका प्रहरी निरीक्षक टोपेन्द्र बुढामगरले जानकारी दिएका छन् ।