नेपाली बजारमा आज सुनचाँदीको मूल्य घटेको छ । आज सुन तोलामा २ हजार १ सय रुपैयाँले घटेर प्रतितोला ३ लाख ९ हजार रुपैयाँमा कारोबार भइरहेको नेपाल सुनचाँदी व्यवसाय महासंघले जनाएको छ ।
हिजाे सुन प्रतितोला ३ लाख ११ हजार १ सय रुपैयाँमा काराेबार भएको थियो ।
त्यसैगरि आज चाँदीको मूल्य पनि घटेको छ । आज चाँदी तोलामा ५५ रुपैयाँले घटेर प्रतिताेला ५ हजार २ सय ३० रुपैयाँमा कारोबार भइरहेको महासंघले जनाएको छ । हिजाे बिहीबार चाँदी तोलाकाे ५ हजार २ सय ८५ रुपैयाँमा कारोबार भएको थियो ।
