जिल्ला प्रहरी कार्यालय मोरङले आफ्नो कार्यालय तथा मातहतका कार्यालयहरूमा रहेका पुराना तथा जफत सवारी साधनहरू लिलाम बिक्री गर्ने भएको छ ।
आज गोरखापत्र दैनिकमा २१ दिने सार्वजनिक सूचना जारी गर्दै २ सय २ थान मोटरसाइकल तथा स्कुटरहरू लिलाम बिक्री गर्न लागेको जानकारी दिएको हो ।
लिलामी प्रक्रियामा सहभागी हुन इच्छुक इजाजतप्राप्त कम्पनीहरूले २१ दिनभित्र बोलपत्र फाराम खरिद गरी आवेदन दिन सक्ने कार्यालयले जनाएको छ ।
विभिन्न समयमा बरामद गरिएका वा बेवारिसे अवस्थामा फेला परी कानुनी प्रक्रिया पूरा भएका उक्त सवारी साधनहरूलाई नियमअनुसार लिलाम गर्न लागिएको बताइएकाे छ ।
