ट्राफिक प्रहरीले बितेका २४ घण्टामा १९ लाख ७७ हजार राजस्व संकलन गरेकाे छ । २ हजार ५३५ सवारी चालक सवारी नियम उल्लंघनको कारबाहीमा पर्दा राज्यकोषमा १९ लाख ७७ हजार राजस्व दाखिला भएको हाे ।
ट्राफिक कारबाहीमा पर्नेमा मादक पदार्थ सेवन गरेको १०१, नियमविपरीत ‘राइड सेयरिङ’ गरेका १२९, संकेत बत्ती उल्लंघनकर्ता १०६ र तीव्रगतिमा सवारीसाधन हुइँक्याएका १३८ जना रहेकाे काठमाडौँ उपत्यका ट्राफिक प्रहरी कार्यालयले जनाएकाे छ ।
ट्राफिक प्रहरी कार्यालयका अनुसार ‘लेन’ अनुशासन पालना नगर्ने ८१, निषेधित क्षेत्रमा हर्न बजाउने १४१, सडकपेटीमा सवारीसाधन पार्किङ गर्ने ११७, एकतर्फी सडकमा सवारी चलाउने ११३ र अन्य सवारी नियम पालना नगरेका एक हजार ६०९ जनालाई कारबाही गरिएको बताइएकाे छ ।
