पछिल्लाे २४ घण्टामा ट्राफिक प्रहरीद्वारा २३ लाख राजस्व संकलन गरेकाे छ । सवारी नियम उलंधन गर्ने सवारी चालकलाई गरेकाे कारबाहीबाट राज्यकोषमा २२ लाख ९६ हजार ५ सय ८ रुपैयाँ राजस्व संकलन भएकाे हाे ।
ट्राफिक प्रहरीकाे कारबाहीमा पर्नेहरूमा मादकपदार्थ सेवन गरेको ७९, नियमविपरीत ‘राइड सेयरिङ’ गरेका १ सय ४७, सङ्केत बत्ती उलंधनकर्ता १ सय ५४ र तीव्रगतिमा सवारीसाधन हुइँक्याएका १ सय २२ जना रहेको काठमाडौँ उपत्यका ट्राफिक प्रहरी कार्यालयले जनाएकाे छ ।
कार्यालयका अनुसार ‘लेन’ अनुशासन पालना नगर्ने १ सय १९, निषेधित क्षेत्रमा हर्न बजाउने १ सय १३, सडकपेटीमा सवारीसाधन पार्किङ गर्ने १ सय १९, एकतर्फी बाटोमा सवारी चलाउने १०० र अन्य सवारी नियम पालना नगरेका १ हजार ६ सय ८८ जनालाई कारबाही गरिएको हाे ।
