काठमाडाैँ उपत्यकालगायत देशकाे विभिन्न पानी परिरहेकाे छ । अहिले गण्डकी र लुम्बिनी, कोशी, बागमती र सुदूरपश्चिम प्रदेशलगायत कर्णाली र मधेश प्रदेशका थोरै स्थनमा मेघगर्जन चट्याङ्ग सहित पानी परिरहेकाे जल तथा मौसम विज्ञान विभाग, मौसम पूर्वानुमान महाशाखाले जनाएकाे छ ।
नेपालमा मनसुनी वायु सकृय हुन थालेसँगै अहिले देशकाे विभिन्न स्थानमा वर्षा सुरु भएकाे हाे । महाशाखाका अनुसार लमजुङको भोर्लेटारमा सबै भन्दा बढी ११४ मिलिमिटर पानी परेको छ भने त्यसैगरि चितवन, दाङ, बाँके, बर्दिया लगायतका जिल्लामा पनि ठुलो पानी परेको बताइएकाे छ ।
आज दिउँसो कोशी, बागमती र गण्डकी प्रदेशका पहाडी र हिमाली भू–भागका धेरै स्थानमा, लुम्बिनी, कर्णाली र सुदूरपश्चिम प्रदेशको पहाडी र हिमाली भू–भागका केही स्थान मेघगर्जन र चट्याङसहित मध्यमसम्म वर्षा हुनेछ भने कोशी प्रदेशका पहाडी र तराई भू–भागका एक–दुई स्थानमा हावाहुरीसहित भारी वर्षाको सम्भावना रहेको बताइएकाे छ ।
आज राति कोशी प्रदेशमा भारीदेखि धेरै भारी वर्षाको सम्भावना रहेको छ भने मधेस, बागमती, गण्डकी प्रदेशको एकदुई स्थानमा पनि भारी वर्षाको सम्भावना रहेको छ । भोलि र पर्सि देशैभर एकैसाथ पानी पर्ने भएकोले सावधानी अपनाउन महाशाखाले अनुरोध गरेको छ ।
