नेपाली बजारमा आज सुनचाँदीको मूल्य घटेको छ । आज सुन तोलामा ५ हजार ८ सय रुपैयाँ र चाँदी १५५ रुपैयाँले घटेको हो ।
नेपाल सुनचाँदी व्यवसायी महासंघका अनुसार आज एक तोला छापावाल सुनको मूल्य रु २ लाख ८५ हजार ५ सय र त्यति नै परिमाणको सेतो धातुको भाउ रु ४ हजार ३५० निर्धारण भएको छ ।
हिजो एक तोला छापावाल सुनको मूल्य रु २ लाख ९१ हजार ३ सय र त्यति नै परिमाणको सेतो धातु रु चार हजार ५०५ मा कारोबार भएको थियो । अस्ति बुधबार एक तोला छापावाल सुनको मूल्य रु २ लाख ९१ हजार र त्यति नै परिमाणको सेतो धातुको भाउ रु ४ हजार ४८० निर्धारण भएको थियो ।
गएकाे मङ्गलबार प्रतितोला छापावाल सुनको मूल्य रु २ लाख ८५ हजार ६ सय र त्यति नै परिमाणको चाँदी रु ४ हजार ३७० मा कारोबार भएको थियो । अन्तरराष्ट्रिय सञ्चारमाध्यमहरूका अनुसार अन्तरराष्ट्रिय बजारमा आज एक औँस सुन ४ हजार ४५ र चाँदी ५७ अमेरिकी डलरमा कारोबार भइरहेको महासंघले जनाएकाे छ ।
