नेपाल पत्रकार महासंघले पत्रकार किशोर श्रेष्ठ पक्राउको विरोध गर्दै कडा आन्दोलन गर्ने चेतावनी दिएको छ । महासंघकाे अध्यक्ष निर्मला शर्मासहित पत्रकार तथा सञ्चारकर्मीहरूले काठमाडौं प्रहरी परिसर अगाडि धर्ना दिँदै श्रेष्ठको पक्राउप्रति आपत्ति जनाएका हुन् ।
महासंघले पत्रकार श्रेष्ठलाई पक्राउ गरिएको विषयमा तत्काल स्पष्ट धारणा सार्वजनिक गर्न सम्बन्धित निकायसँग माग गरेको छ । महासंघ अध्यक्ष निर्मला शर्माले पत्रकारको स्वतन्त्रता र प्रेस स्वतन्त्रतामाथि हस्तक्षेप स्वीकार्य नहुने भन्दै तत्काल समस्या समाधान नभए महासंघले थप कडा आन्दोलन अघि बढाउने चेतावनी दिएकी छन् ।
पत्रकार श्रेष्ठलाई पक्राउ गर्नुको कारण सार्वजनिक गर्न, कानुनी प्रक्रिया पारदर्शी बनाउन तथा पत्रकारको संवैधानिक अधिकारको सम्मान गर्न माग गरिएको छ । पत्रकार श्रेष्ठमाथि लागेको आरोप र पक्राउको कानुनी आधारबारे सम्बन्धित निकायबाट आधिकारिक विवरण सार्वजनिक हुन बाँकी छ ।
महासंघले आफ्ना माग सम्बोधन नभए चरणबद्ध रूपमा आन्दोलन अघि बढाउने जनाएको छ ।
