राेल्पामा अविरल वर्षासँगैकाे पहिरोमा परि दुई जनाको मृत्यु भएको छ भने दुई जना घाइते भएका छन् । राेल्पाकाे थबाङ गाउँपालिका–५, बोटलबारामा पहिराेले घर सहित गोठ पुरिँदा दुईको मृत्यु हुनुका साथै दुई जना घाइते भएका हुन् ।
जिल्ला प्रहरी कार्यालयका अनुसार मृत्यु हुनेमा थबाङ–५, बोटलबाराका १८ वर्षीया शान्ति पुन मगर र सोही स्थानका ६० वर्षीय कमलबहादुर पुन मगर रहेका छन् । उक्त घटनामा परि सोही स्थानका २२ वर्षीय हिमाल पुन मगर र २५ वर्षीय सञ्जय घर्ती मगर घाइते भएका छन् ।
हिजाे दिउँसोदेखि परेको अविरल वर्षाका कारण पहिरो जाँदा घर सहित गोठ पुरिएरकाे थियाे भने राति नै घटनास्थलमा प्रहरी टोली पुगेको बताइएकाे छ । प्रहरी र स्थानीयवासीको सहयोगमा घाइते उद्धार गरी उपचारार्थ स्वास्थ्य सस्थामा पठाइएको र दुवैको अवस्था गम्भीर रहेको प्रहरीले जनाइएको छ ।
प्रहरीको प्रारम्भिक अनुमान अनुसार पहिराेबाट ६ घर र गोठमा क्षति पुगेको छ ।
