ठूलो परिमाणको लागू औषध ब्राउन सुगरसहित एक जना भारतीय नागरिक पक्राउ परेका छन् । सुनसरीको भोक्राहा नरसिंह गाउँपालिकाबाट लागू औषध ब्राउन सुगरसहित भारतीय नागरिक पक्राउ परेका हुन् ।
पक्राउ पर्नेमा भारतको बिहार राज्य, अररिया जिल्ला पतरा पञ्चायत वडा नं.-०६ बस्ने १९ वर्षीय ईस्मत उल्हा रहेकाे प्रहरीले जनाएकाे छ ।
हिजाे साँझ साढे ७ बजे नरसिंह गाउँपालिका वडा-६, उल्टीमोडस्थित सडकमा लागू औषध नियन्त्रण ब्युरो कोटेश्वर, लागू औषध नियन्त्रण ब्युरो शाखा कार्यालय विराटनगर र जिल्ला प्रहरी कार्यालय सुनसरीबाट खटिएको संयुक्त प्रहरी टोलीले उनलाई नियन्त्रणमा लिएको हो ।
