आजबाट सुरु हुने नेपाल प्रिमियर लिग (एनपीएल) को तेस्रो संस्करणको उद्घाटन समारोहमा प्रधानमन्त्री बालेन शाह सहभागी हुने भएका छन् । कीर्तिपुरस्थित त्रिवि क्रिकेट मैदानमा हुने एनपीएलको उद्घाटन खेलमा प्रधानमन्त्री शाह सहभागी हुने भएका हुन् ।
आजकाे उद्घाटन खेल साँझ साढे ४ बजे साविक विजेता लुम्बिनी लायन्स र साविक उपविजेता सुदुरपश्चिम रोयल्सबीच प्रतिस्पर्धा हुने छ । आजकाे उद्घाटन खेलका लागि प्रधानमन्त्री शाहले सामाजिक सञ्जालबाट प्रतियोगिता सफलताको शुभकामना समेत दिएका छन् ।
प्रधानमन्त्री शाहले सामाजिक सञ्जालमा लेख्दै भनेका छन्, ‘नेपालको सबैभन्दा ठूलो खेलकुद प्रतियोगिता, नेपाल प्रिमियर लिग आजबाट सुरु हुँदै छ र यो केही वर्षमै एक ठूलो खेलकुद प्रतियोगितामा परिणत भएको छ । लिगमा सामेल हुने सबै अन्तर्राष्ट्रिय खेलाडीहरू, कमेन्टेटरहरूलाई हार्दिक स्वागत छ र यस सुन्दर कार्यक्रमको लागि सबै नेपाली खेलाडीहरू, आयोजकहरू र क्यानलाई शुभकामना । नेपाली क्रिकेट अमर रहोस् ।’
