काठमाण्डू, आजबाट सुरु भएको साफ यु-२० च्याम्पियनसिपको उद्घाटन खेलमा नेपालले जीत निकालेको छ।
आइतबार सातदोबाटोस्थित एन्फा कम्प्लेक्समा भएको उक्त खेलमा नेपालले श्रीलंकामाथि १-० गोलको जीत निकालेको हो।
उनले खेलको २४ मिनेटमा निराजन धामीले डिबक्स भित्रबाट सशस्त्र प्रहार गर्दै गोल पोस्टको दिशा दिएका थिए।
नेपालको जीतका लागि उनको गोल निर्णायक सावित भयो। खेलमा नेपाली फरवार्ड पाएका अवसरमा पटकपटक चुकेका थिए।
समीर तामाङले दुई सुन्दर अवसर खेर फालेका थिए। यस्तै अनिल बम्जन पनि प्राप्त अवसरमा सफल हुन सकेनन्।
खेलको अन्तिम मिनेटमा निराजन धामीको प्रहार क्रस बारमा लाग्दा नेपालले अग्रता दोब्बर बनाउने अवसर गुमेको थियो।
प्रतियोगिताको समूह ‘ए’ मा नेपाल, बंगलादेश र श्रीलंका छन्। समूह ‘बी’ मा भारत, माल्दिभ्स र भुटान छन्।
अब नेपालले समूहको दोस्रो खेलमा बिहीबार बंगलादेशसँग खेल्नेछ। भोलि अर्को समूहको खेलमा भारत र भुटानबीच खेल हुनेछ।
