जिराटनगर, नेपाली कांग्रेस कोशी प्रदेश सरकारमा सहभागी हुने भएको छ । सरकारमा सहभागी हुने निर्णय गरेको डेढ महिनापछि आज कांग्रेस सरकारमा सहभागी हुन लागेको हो ।
कांग्रेसबाट तीन मन्त्री र एक राज्यमन्त्रीले आज शपथ लिने तयारी गरेका छन् ।
कांग्रेसबाट कोशी सरकारको नेतृत्व प्रदेश महामन्त्रीसमेत रहेका प्रदेशसभा सदस्य भुपेन्द्र राई सो पार्टीले जनाएको छ । उनले भौतिक पूर्वाधार विकास मन्त्रालयको नेतृत्व संहाल्नेछन् ।
प्रदेश सभापति एवं दलका नेता उद्धव थापाले एक राज्यमन्त्रीसहित र तीन मन्त्रीको नाम मुख्यमन्त्री हिक्मत कार्कीलाई आज बिहान बुझाएका हुन् ।
जसअनुसार प्रदेश महामन्त्री भूपेन्द्र राईको नेतृत्वमा मन्त्रीको सूची बुझाइएको हो ।
उनी भौतिक पूर्वाधार मन्त्रालयमा जाँदैछन् । भौतिक पूर्वाधार राज्यमन्त्रीमा भूमिश्वर राजवंशी नियुक्त हुँदैछन् । राई र राजवंशी दुवैजना कृष्ण सिटौला समूहका हुन् ।
उद्योग पर्यटन, वन मन्त्रालयमा सुनसरीका षडानन्द मण्डल जाँदै छन् । उनी ज्ञानेन्द्रबहादुर कार्की र विजय गच्छेदारको कोटाबाट मन्त्री बनेका हुन् ।
पार्टी सभापति देउवाको कोटाबाट ताप्लेजुङका खगेनसिङ हाङमाङ उद्योग, कृषि र सहकारी मन्त्री बन्ने भएका छन् ।
नवनियुक्त मन्त्रीहरुको शपथ ९ बजेतिर गराउने तयारी छ ।
