डडेल्धुरा, नेपाली काँग्रेसका सभापति शेरबहादुर देउवाले रणनीतिकि योजना अघि बढाउनुपर्ने बताएका छन् ।
नेपाली कांग्रेस जिल्ला कार्य समिति डडेल्धुराको बैठकमा सभापति देउवले डडेल्धुरालगायत सुदूरपश्चिम प्रदेश विकासका लागि सरकारले सुरु गरेका रणनीतिक योजना तत्काल अघि बढाउनु पर्ने बताएका हुन् ।
पूर्व प्रधानमन्त्री समेत रहेका सभापति देउवाले पश्चिमसेती जलविद्युत योजना, डडेल्धुरामा हवाई मैदान, दैजी–लिप्ना–जोगबुडा–चिर्किट्टे–बझाङ जोड्ने सडक, डडेल्धुरा मेडिकल कलेज लगायतका योजना अगाडि बढाउन सबैले लाग्नु पर्नेमा जोड दिए ।
सरकारका रणनीतिक योजनामा कांग्रेसले सघाउनु पर्ने भन्दै उनले नेता कार्यकर्तालाई निर्देशन दिनुभएको कांग्रेस जिल्ला कार्य समिति डडेल्धुराका सचिव हेमराज चटौतले जानकारी दिए ।
उनका अनुसार कञ्चनपुरको दोधारा चाँदनीमा निर्माणाधीन सुक्खा बन्दरगाहको कामले पूर्णता पाउनेगरी सरकारले काम गरिरहेको बताएका छन् ।
बैठकमा कांग्रेसको सय दिने संकल्प यात्राबारे चर्चा भएको थियो । सभापति देउवाले संकल्प यात्राको उद्देश्यअनुसार काम गर्न नेता कार्यकर्तालाई निर्देशनसमेत दिएको उनले जानकारी दिए ।
कांग्रेस पार्टीको नेतृत्वमा देशमा प्रजातन्त्र आएको उल्लेख गर्दै उनले लोकतन्त्र र संघीयताको रक्षाका लागि कांग्रेस नेता कार्यकर्ताले अहम भूमिका खेल्नुपर्ने बताए ।
संसदीय निर्वाचन पछि कात्तिक २६ गते गृह जिल्ला डडेल्धुराा पुगेका सभापति देउवाले विभिन्न देवीदेवताको पूजाआजा दर्शनसँगै कार्यकर्ता भेटघाटमा व्यस्त रहेका छन् ।
उनले बिहीबार राति सभापति देउवा जन्मथलो गन्यापधुरा गाउँपालिका –१ रुवाखोलामा रहेको असियु देवताको पूजाआजा गरेका छन् ।
जिल्लाका स्थानीय तहका जनप्रतिनिधि, कार्यकर्ता एवं विभिन्न राजनैतिक दलहरुले जनताका सहजताका लागि विभिन्न माग राख्दै योजनाहरु निर्माण गर्न मागपत्र बुझाएकबा छन् ।
बिहीबार कांग्रेस जिल्ला कार्यसमितिको बैठकपछि सभापति देउवा अजयमेरु गाउँपालिका –१ पुइलेक र २ को चमडामा पुगी कार्यकर्तासँग भेटघाट गर्ने कार्यक्रम रहेको उनका स्वकीय सचिव भानु देउवाले जानकारी दिएका छन् ।
