काठमाण्डू, एनपीएलमा कर्णाली याक्सले चितवन राइनोजलाई पराजित गरेको छ ।
शुक्रबार भएको खेलमा कर्णालीले चितवनलाई ६ विकेटले पराजित गरेको हो । पहिलो दुई खेलमा पराजित भएको कर्णालीको यो पहिलो जीत हो भने लगातार दुई खेल जितेको चितवनको यो पहिलो हार हो ।
चितवनले दिएको १३१ रनको लक्ष्य कर्णालीले १९.५ ओभरमा ४ विकेटको क्षतिमा पूरा गरेको हो । कर्णालीका लागि ओपनर शिखर धवनले ४५ रन बनाए । उनले ४१ बलमा ४ चौका र १ छक्का प्रहार गरे ।
च्याडविक वाल्टनले ३० रनको योगदान गरे । ओपनर देव खनालले २५ रन जोडे । जिशन मक्सुदले १२ रन बनाए ।
चितवनका लागि रवि बोपरा, कुशल मल्ल र जान निकोल लोफ्टी इटनले १–१ विकेट लिए ।
यसअघि ब्याटिङ गरेको चितवनले पूरै ओभर खेलेर ७ विकेटको क्षतिमा १३० रन बनाएको थियो ।
चितवनका लागि रवि बोपाराले अविजित ५८ रन बनाए । उनले ३५ बलमा ७ चौका र १ छक्का प्रहार गर्दै अर्धशतक पूरा गरे ।
कप्तान कुशल मल्लले २३, विपिन रावलले ११, जान निकोल लोफ्टी–इटन ९ , दीपक बोहरा ८ र लुक बेन्केनस्टाइन भने शून्यमा आउट भए ।
शरद भेषावकर ६ रनमा अविजित रहे । चितवनका लागि विपिन रावलले ११ र दीपक बोहराले ८ रन बनाउँदा लुक बेन्केनस्टाइन भने शून्यमा आउट भए ।
कर्णालीका लागि विपिन शर्माले ३, जिशान मक्सुदले २ तथा नन्दन यादव, र सोमपाल कामीले १–१ विकेट लिए ।
अर्को खेलमा लुम्बिनी लायन्स र पोखरा एभेन्जर्सबीच प्रतिस्पर्धा हुनेछ ।
