काठमाण्डू, पहिलो संस्करणको नेपाल प्रिमियर लिग ९एनपिएल० को उपाधि जनकपुर बोल्ट्सले जितेको छ।
फाइनलमा सुदूरपश्चिम रोयल्सलाई हराउँदै जनकपुरले उपाधि उचालेको हो।
कीर्तिपुरस्थित त्रिवि क्रिकेट मैदानमा टस जितेर ब्याटिङ रोजेको सुदूरपश्चिमले १८४ रन बनाएर जनकपुरलाई १८५ रनको लक्ष्य दिएको थियो।
यो लक्ष्य जनकपुरले ५ विकेट गुमाएर १९ ओभरमा पूरा गर्यो। एनपिएलमा सुदूरपश्चिम र जनकपुरबीचको यो तेस्रो भिडन्त थियो।
यसअघि लिग चरणमा र पहिलो क्वालिफायर दुवै खेलमा जनकपुरमाथि सुदूरपश्चिमले जीत निकालेको थियो।
उपाधि विजेता टोलीले १ करोड १० लाख नगद पुरस्कार प्राप्त गरेको छ भने दोस्रो स्थान हासिल गर्ने टोलीले ५१ लाख प्राप्त गर्यो ।
प्रतियोगितामा तेस्रो भएको टोली कर्णाली याक्सले पनि २५ लाख प्राप्त गर्यो । चौथो स्थान हासिल गर्ने टोलीले १५ लाख पुरस्कार प्रायो ।
प्रतियोगितामा उत्कृष्ट घोषित हुने खेलाडीलाई कार प्रदान गर्ने क्यानले यसअघि नै घोषणा गरिसकेको छ।
क्यानको आयोजनामा मंसिर १५ गतेदेखि सञ्चालन भएको एनपीएल पहिलो संस्करणमा विभिन्न आठ टोली काठमाण्डु गुर्खाज, लुम्बिनी लायन्स, पोखरा एभेन्जर्स, चितवन राइनोज, विराटनगर किङ्ग्स, जनकपुर बोल्ट्स, कर्णाली याक्स र सुदूरपश्चिम रोयल्स सहभागी थिए।
