काठमाण्डू, आईसीसी यू–१९ महिला विश्वकपको प्लेअफमा नेपालले मेलसियालाई पराजित गरेको छ ।
मलेसियाको जोहोर क्रिकेट एकेडेमीमा शुक्रबार भएको खेलमा नेपालले मलेसियालाई ७ विकेटले पराजित गरेको हो।
नेपालका लागि कप्तान पूजा महतोले अलराउन्ड प्रदर्शन गरिन् । मलेसियाले दिएको ४५ रनको सामान्य लक्ष्य नेपालले ११ ओभरमा ३ विकेटको क्षतिमा पूरा गर्यो ।
नेपालका लागि पूजा २३ र सीमाना केसी ४ रनमा अविजित रहिन् । सावित्रि धामीले ३ तथा साना प्रविनले १ रन बनाइन् ।
मलेसियाका लागि मार्सयाले ३ विकेट लिइन् । यसअघि मलेसिया १६.५ ओभरमा ४५ रनमा अलआउट भएको थियो ।
मलेसियाका लागि नुरिमानले १५ रन बनाइन् । अन्य खेलाडीले दोहोरो अङ्कको रन बनाउन सकेनन् ।
नेपालका लागि पूजाले ४ विकेट लिइन् । रचना चौधरीले ३ तथा रिया शर्मा र सीमाना केसीले १–१ विकेट लिइन् ।
