खोटाङ , खोटाङ जिल्ला अदालतले बालयौन दुरुपयोगको आरोपमा मदन राईलाई दोषी ठहर गरेको छ ।
आफैंले स्थापना गरेको शुभद्रा मदन फाउण्डेसनमा पढ्ने बालिका र किशोरीहरुलाई यौन दुर्व्यवहार गरेको आरोपमा जिल्ला अदालतले उनलाई दोषी ठहर गरेको हो ।
जिल्ला अदालत खोटाङका सूचना अधिकारी सुदीप भट्टराईअनुसार न्यायाधीश नारायणप्रसाद दाहालको इजलासले १० माघमा राईलाई दोषी ठहर गरेको हो।
सजाय निर्धारणका लागि २५ माघमा अर्को पेसी तोकिएको छ । तीन वर्षभन्दा बढी कैद सजाय हुने यो मुद्दामा दोषी ठहर भएमा सुनुवाइका क्रममा सजाय निर्धारणगरिने छ।
मदन राईको बारेमा डेढ वर्षअघि सेतोपाटी अनलाइनले समाचार प्रकाशित गरेको थियो। जसमा उनि आफैले स्थापना गरेको फाउण्डेसनमा पढ्ने बालिकाहरुलाई लामो समयदेखि यौन दुर्व्यवहादुर गरेको कुरा उठाईइएको थियो।
त्यसपछि प्रहरीले राईलाई नियन्त्रणमा लिएको थियो । लगत्तै अनुसन्धान गरेर प्रहरीले राई विरुद्ध मुद्दा चलाएको थियो ।
