काठमाण्डू, बैंकमा पैसा थुप्रिएपछि नेपाल राष्ट्र बैंकले फेरि ३० अर्ब रुपैयाँ खिच्ने भएको छ। राष्ट्र बैंकले बोलकबोल मार्फत मंगलबार ३० अर्ब बराबर तरलता खिच्न लागिएको जानकारी दिएको हो।
पछिल्लो पटक २१ दिनका लागि तरतला खिच्न लागिएको हो। बैंकमा पैसा थुप्रिन थालेपछि २०८१/८२ को सुरुबाट राष्ट्र बैंकले निरन्तर तरलता खिच्दै आएको छ भने बैंकले व्याजदर महिनैपिच्छे कम गर्दै लगेका छन्।
मंगलबार खिचिने रकमको सावा–ब्याज फागुन ६ गते भुक्तानी हुने राष्ट्र बैंकले जानकारी दिएको छ।
न्यूनतम १० करोड र बढीमा ५ करोड रुपैयाँले भाग गर्दा निःशेष भाग जाने गरी बोली लगाउन राष्ट्र बैंकले भनेको छ। ‘क’, ‘ख’ र ‘ग’ वर्गका बैंक तथा वित्तीय संस्था यसमा बोली लगाउन योग्य हुनेछन्।
माघ १३ गते राष्ट्र बैंकले ४० अर्ब तरलता खिचेको थियो भने माघ ९ गते ९० अर्ब खिचेको थियो।
