काठमाण्डू, सुनको मूल्यमा आज (बुधबार) भारी गिरावट आएको छ । छापावाल सुनको मूल्य आज तोलामा २ हजार ७०० रुपैयाँले घटेको नेपाल सुनचाँदी व्यवसायी महासङ्घले जनाएको छ ।
आज सुन तोलामा १ लाख ६७ हजार ५०० रुपैयाँमा कारोबार भइरहेको छ । मङ्गलबार भने सुनको मूल्य तोलामा ६०० ले बढेर १ लाख ७० हजार २०० रुपैयाँ पुगेको थियो ।
यस्तै आज चाँदीको मूल्य पनि थोरै घटेको छ । आज तोलामा १५ रुपैयाँले घटेको महासङ्घले जनाएको छ ।
चाँदीको मूल्य आज १ हजार ९३० रुपैयाँले कारोबार भइरहेको छ ।
