बुटवल, नेपाल पत्रकार महासंघ रुपन्देही शाखाको आयोजनामा बुटवलमा सम्पन्न एफ एनजे कर्पोरेट तथा मिडिया कप २०८१ को उपाधि नेपाल इन्जिनियर एसोसिएसन र ग्लोबल आवाजले चुमेको छ ।
सोमबार भएको फाइनल खेलमा नेपाल इन्जिनियर एसोसिएसनले शंकरनगर खानेपानी तथा सरसफाइ उपभोक्ता संस्थालाई ६–१ गोल तथा ग्लोबल आवाजले बुद्ध टिभीलाई ८–२ गोल अन्तर पराजित गर्दै उपाधि हात पारेको हो ।
कर्पोरेट तर्फ विजेता एसोसिएसन नगद २५ हजारसहित कप, मेडल र प्रमाणपत्रबाट पुरस्कृत भएको छ भने ।
शंकरनगर खानेपानी भने नगद १५ हजारसहित कप, मेडल र प्रमाणपत्रमा चित्त बुझाएको छ ।
प्रतियोगितामा शंकरनगर खानेपानीका कुल बहादुर भण्डारी सर्वोत्कृष्ट खेलाडी, इन्जिनियर एशोसियनका शिव प्रसाद तिवारी उत्कृष्ट गोल रक्षक तथा एशोसियनकै प्रवीण सापकोटा सर्वाधिक गोलकर्ता घोषित हुँदै पुरस्कृत भए ।
यसैगरी मिडिया कपतर्फ विजेता ग्लोबल नगद १७ हजार ७७७ र उपविजेता बुद्ध टिभी नगद ७ हजार ७७७ रुपैयाँ नगद राशीसहित कप मेडल र प्रमाणपत्रबाट पुरस्कृत भएको छ ।
प्रतियोगितामा ग्लोबल आवाजका डिबि सुस्लिङ सर्वोत्कृष्ट खेलाडी, गर्जन पोस्टका विनोद खनाल उत्कृष्ट गोलरक्षक तथा ग्लोबल आवाजका इन्द्र खत्री सर्वाधिक गोलकर्ताबाट पुरस्कृत भएको महासंघका सचिव सीपी खनालले बताए ।
एक कार्यक्रमकावीच बुटवल उपमहानगरपालिकाका नगरप्रमुख खेलराज पाण्डेय, नेपाल पत्रकार महासंघका केन्द्रीय सदस्य रामराज पोखरेल, महासंघका रुपन्देही शाखाका अध्यक्ष दिनेश पाण्डेयले पुरस्कार वितरण गदै धारणा राखेका थिए।
प्रतियोगितामा कर्पोरेट कप अन्तरगत २२ वटा समूह तथा मिडिया कप फुटसल प्रतियोगितामा रुपन्देहीका ९ वटा सञ्चारगृहको सहभागिता रहेको संयोजक सुमन श्रेष्ठले बताए ।
