काठमाडौं, राष्ट्रियसभा सदस्य निर्वाचनअन्तर्गत हिजो उम्मेद्वारी दर्ता गराएका नाम विरुद्ध आज दाबीविरोध र उजुरीको कार्यतालिका छ ।
मनोनयन दर्ता गरेका उमेदवारविरुद्ध आज दाबीविरोध र उजुरी दिन सकिने निर्वाचन आयोगले जनाएको छ ।
निर्वाचन आयोगको कार्यतालिका अनुसार भोलि र पर्सी जाँचबुझ गरी उमेदवारको नामावली प्रकाशन हुनेछ ।
२७ गते नाम फिर्ता लिन चाहने उमेदवारको नाम फिर्ता र उमेदवारको अन्तिम नामावली प्रकाशन हुनेछ ।
पुस २८ गते उमेदवारलाई निर्वाचन चिन्ह प्रदान गरिने छ । माघ ११ गते बिहान ९ देखि दिउँसो ३ बजेसम्म राष्ट्रियसभका लागि मतदान हुने छ ।
निर्वाचनमा विभिन्न प्रदेश र क्षेत्रबाट महिला, दलित, अपांगता भएका व्यक्ति वा अल्पसंख्यक र अन्य समुदायबाट सदस्यको चयन गरिने छ ।
यसअघि चुनाव हारेका र समानुपातिक सूचीमा परेकाहरु नै अधिकांश उम्मेद्वार बनेका छन् ।
दलहरुलाई रिझाउन सक्नेलाई मात्र उम्मेद्वार बनाइएको भन्दै आलोचना भइरहेको छ ।
