लहान नगरपालिका–१३, घलेटोलमा आज उखु बारीमा दिउँसो आगलागी हुँदा ३० बिघा जमिनमा लगाइएको उखु जलेर नष्ट भएको छ । आगलागीबाट स्थानीय २५ किसानको उखु जलेर नष्ट भएको हाे ।
आगलागीबाट करिब १ करोड १६ लाख बराबरको क्षति भएको प्रहरीले जनाएको छ । इलाका प्रहरी कार्यालय लहानका प्रमुख प्रहरी नायब उपरीक्षक कैलाश राईका अनुसार दिउँसो उखुबारीको मध्यभागबाट आगो सल्किएको र प्रहरी टोली घटनास्थल पुगेर स्थानीय बासिकाे सहयोगमा आगो निभएर बस्तिमा पस्नबाट बचाइएकाे बताइएकाे छ ।
गोलबजार नगरपालिकाबाट आएको बारुणयन्त्रको सहयोगमा करिब ४ घन्टापछि आगो पूर्ण रूपमा नियन्त्रणमा लिइएकाे थियो । प्रहरीका अनुसार उखुबारीको मध्यभागबाट आगो सल्किएकाले कसैले चुरोट वा बिँडी पिएर ठुटो फालेको वा नियतवश आगो लगाएको हुनसक्ने आशङ्का गरिएको छ ।
घटनाबारे अनुसन्धान थालिएको प्रहरीले जनाएको छ।
