खुल्यो बन्द भएको बंगलादेशको प्रतिपक्षी दल बीएनपीको कार्यालय

एजेन्सी, शेख हसिनाले देश छोडेर भारत पुगेको भोलीपल्ट उनले ताला लगाउन लगाएको प्रतिपक्षी दल तथा पूर्वप्रधानमन्त्री खालिदा जियाले नेतृत्व गर्ने दल बंगलादेश राष्ट्रवादी दल )(बीएनपी)को कार्यालय मंगलबारबाट खुला भएको छ ।

बंगलादेशी अखबार ढाका ट्रिब्यूनका अनुसार पार्टीको केन्द्रिय कार्यालय १९ दिनपछि खुला भएको हो ।

राजधानी ढाकाको नयाँ पल्टनस्थित क्षेत्रमा रहेको पार्टी कार्यालय आजबाट सञ्चालनमा आएको हो ।

गत जुलाई १७ मा बीएनपीको मुख्यालयमा ताला लगाइएको थियो । त्यो ताला सोमबार स्थानिय समय अनुसार पौने पाँच बजे बीएनपीका नेताकार्यकर्ताहरुले खुलाएका थिए ।