काठमाण्डू, नेपाली गायिका पूजन काफ्ले यस वर्ष भारतमा उत्कृष्ट अन्तर्राष्ट्रिय गायिका अवार्डबाट सम्मानित भएकी छन् ।
भारतको पटना स्थित साङ्ग्रीला प्यालेसमा आयोजना गरिएको कार्यक्रममा गायिका काफलेलाई सम्मान गरिएको हो ।
काफ्लेलाई बलिउडकी चर्चित अभिनेत्री पुनम धिल्लोन आयोजक समितिका अध्यक्ष डा. शिखा नरुला, मिसेस इन्डिया प्रतीभा प्रसादले अवार्ड प्रदान गरेका थिए ।
आईएएस शंशाक शेखर, विधायक रश्मी बर्मा, पटना सरकारका जीएसटी सह आयुक्त समीर परिमल र आयोजक समिति सदस्य श्रीमती भारत प्रतीभा प्रसादको संयुक्त निर्णायक प्यानलले काफ्लेलाई नेपालका लागि यस वर्षको उत्कृष्ट अन्तर्राष्ट्रिय गायकको अवार्ड दिने निर्णय गरेका हुन् ।
विहार शिक्षा तथा प्रविधि मन्त्री सुमितकुमार सिंहको प्रमुख आतिथ्यतामा भएको कार्यक्रममा बलिउडकी चर्चित अभिनेत्री पूनम ढिल्लन, दिल्ली सरकारका प्रशासकहरू, पटना सरकारका प्रशासकहरू र विधायकहरू र राजनीतिज्ञहरूको पनि सहभागिता रहेको थियो ।
